Placeholder Picture

Bergbos

Placeholder Picture

Bergbos 

Placeholder Picture

Bergbos

Hoofblad | English | Artikels | Die veeartse | Skakels | Kontak ons

Ons veeartse

Dr Gerald Gaigher het aan die einde Februarie 2015 afgetree na 44 jaar in Rustenburg. Lees hier meer daaroor. Dr Tine van Egdom het aan die einde van November 2015 verhuis na Engeland en Dr Lorette Goosen het verhuis na Kwazulu Natal. Verder het Dr Zani van Rooyen ook oorsee vertrek! Die veeartse tans by Bergbos Dierekliniek het egter steeds meer as 60 jaar se ondervinding gesamentlik! Hier volg 'n kort beskrywing van elkeen se loopbaan:



Kobus Grobler kom oorspronklik van Pretoria en het in 1987 sy graad verwerf. Hy is getroud met Magda en het twee dogters en 'n seun. Na twee jaar diensplig op Mogwase het hy vir sewe maande in Kemptonpark in 'n kleindierkliniek gewerk. In September 1990 het hy by Protea Dierekliniek begin. Hy stel baie belang in chirurgie, veral in kleindiere. Hy is baie geÔnteresseer in Skeppingsleer en is die outeur van 'n webblad daaroor. Hy het ook hierdie webblad ontwerp en is verantwoordelik vir die instandhouding daarvan.



Komende van Middelburg het Newton Sparks in 1993 sy studies voltooi. Hy en Karlien het 'n seun en 'n dogter. Newton hou baie daarvan om met wild te werk en geniet ook kleindierchirurgie. Hy het in 1994 hier begin en is die 'argitek' agter die nuwe kliniek in Bergboslaan. Sy stokperdjies sluit in vlieghengel, groei van broodbome, seil en stap.



Dr Roselle Hartwigsen het in 2011 gekwalifiseer as veearts. In 2013 het sy ook 'n kwalifikasie in veterinÍre akupunktuur verwerf vanaf die Chi Instituut van Tradisionele Chinese VeterinÍre Geneeskunde (TCVM). Na twee jaar in privaatpraktyk het sy van 2015 tot 2016 in 'n perdepraktyk onder Dr Mike Ross gewerk. In 2017 is sy aangestel as die direkteur van die Chi Instituut in Afrika. Sy dien ook tans op die raad van direkteure van die WÍreldvereniging van TCVM. Sy beoog om komplementÍre behandeling tesame met konvensionele geneeskunde en chirurgie te gebruik om pasiŽnte op 'n holistiese wyse te behandel.



Dr Carmen Booysen het in 2001 die graad BSc Agric behaal. Sy volg dit op met 'n Honneurs- en Meestersgraad wat handel oor die gedrag van Witrenosters. In 2011 gekwalifiseer sy as veearts. Na vier jaar in Groblersdal in gemengde praktyk werk sy as lokum by verskeie praktyke. In Augustus 2017 het sy by Bergbos aangesluit. Carmen is besig met 'n kwalifikasie in akupunktuur (CVA). Haar stokperdjies is gholf en lees en sy hou van 'n holistiese benadering tot die behandeling van siek diere.